Explicación da foto documental
As follas das árbores, poden ter unha grande variedade de cores ao longo da súa "estancia" nunha árbore caducifolia. Nesta foto, hai cinco follas diferentes, aliñadas, nunha orde cromática e cronolóxica á súa vez, xa que, con relación á primeira, esas cores, que poden ser apreciadas nas follas dunha mesma árbore, poden variar, dende o máis internso verde, ata un amarelo, vermello, laranxa ou marrón, dependendo da estación do ano na que nos atopemos. Por exemplo, en primavera, non teñen a mesma cor que en outono, inverno ou verán.
No sentido cronolóxico, podería dicirse que unha folla (sendo a súa árbore caducifolia) ten unha "vida" ou ciclo, no cal medra na árbore, e vai mudando as súas cores ao longo do ano, ata que no outono ou inverno, seca, e cae, dando comezo posteriormente a un novo ciclo, con novas follas. Por isto, na foto, reflíctese ese ciclo mediante as cores nas follas, que mudan de verde, característico da primavera e verán, a un marrón, cor que indica que a folla está seca, e a piques de caer.
Isto non ocorre no caso das árbores perennes, xa que as súas follas non chegan a caer, e manteñen a súa cor todo o ano, polo que non pasarían por este ciclo.