Información botánica da planta
Procedencia
O rododendro é orixinario das rexións templadas e subárticas de Asia, Europa e América do Norte, especialmente do Himalaia e outras zonas montañosas de China, Xapón, Corea e o sueste asiático. O rododendro foi introducido en Galicia a finais do século XIX ou principios do XX. Introduciuse en Galicia grazas ao interese pola agricultura ornamental e á influencia das expedicións botánicas. Algúns, como nobleza e propietarios de terras en Galicia, comezaron a importar plantas exóticas e de gran beleza para os seus xardíns. Ésta, cunha floración espectacular e moi boa adaptación a climas temperados, foi unha das plantas que máis destacou.
Descrición xeral
O rododendro é un arbusto perenne denso que pode alcanzar entre 1 e 5 metros de altura, variando en tamaño e forma dependendo da especie.
Tronco ou talo
O tronco ou talo do rododendro varía segundo a súa especie e a súa idade, pero de forma xeral, teñen unhas características comúns:
O talo ou tronco principal do rododendro é curto, especialmente nas especies de tamaño arbustivo. Ao principio, cando a planta é nova, o tronco é fino e flexible, pero ao envellecer, vai engrosando e endurecendo. Nas especies máis grandes, o tronco pode chegar a ser máis robusto e ergueiro, especialmente se a planta toma forma de árbore pequena.
En canto á corteza, tende a ser lisa e de cor marrón ou grisácea. Nas plantas máis novas, a corteza é fina e uniforme, mentres que nas plantas máis vellas pode ser lixeiramente rugosa ou quebradiza, pero nunca chega a ser profundamente rugosa como noutros tipos de plantas lechosas.
A súa ramificación, o tronco principal ramifícase desde a base, xerando varias ramas que se estenden de forma densa e xeran a forma arbustiva característica do rododendro. As ramas, inicialmente finas, fanse máis duras a medida que a planta medra. A ramificación é moi abundante e espesa, o que contribúe a que a planta sexa compacta e arbustiva.
E por último, a cor do tronco e as ramas do rododendro adoita ser marrón-grisácea, que pode variar dependendo da especie e da idade. A cor das ramas novas tende a ser máis clara, mentres que nas ramas máis vellas pode escurecerse un pouco.
Folla
As follas son bastante grandes en comparación con outras plantas. Poden medir entre 5 e 20 cm de longo, dependendo da especie.
En canto á forma, as follas son de forma ovalada ou lanceolada, e dicir, algo alargadas e terminadas en punta. A súa forma é bastante regular, o que dá unha estética ordenada á planta.
Seguindo coa textura, a superficie das follas é coriácea ou elástica, o que significa que teñen unha textura un pouco dura e flexible ao tacto. Esta consistencia axuda a planta a resistir ao tempo, como o frío e o vento.
A cor das follas é de cor verde escuro na maioría das especies, pero tamén pode haber especies con follas de tonalidades máis claras ou máis pálidas. Na parte inferior das follas, moitas veces hai unha leve capa de pelusa ou vellosidade que pode darlles un aspecto máis grisáceo ou plateado.
Flor
As flores do rododendro teñen unha forma tubular ou de campá, con cinco pétalos que se abren en forma de estrela. A súa estrutura é algo parecida ás pequenas trompetas, e normalmente as flores agrúpanse en ramos ou corimbos densos.
O tamaño das flores é grande en relación ao tamaño do arbusto, con un diámetro que pode ir de 3 a 5 cm, dependendo da especie. Cada flor pode ter entre 5 e 10 pétalos, e os corimbos que as agrupan poden ser moi numerosos, creando unha especie de "explosión" de cor cando a planta florece.
A cor varía nunha ampla gama. A maioría de especies presenta flores que poden ser brancas, rosas, vermellas, violetas, amarelas ou incluso unha mestura de varias cores. A cor das flores tamén pode variar segundo a variedade ou a zona onde se cultive.
En canto á floración, florecen na primavera ou ao comezo do verán, dependendo da especie e das condicións climáticas. Esta floración é moi abundante e espectacular, o que fai que o arbusto sexa un centro de atención en xardíns ou paisaxes.
A fragancia das flores pode variar segundo a especie, pero en xeral, o rododendro non é unha planta excesivamente perfumada. Aínda así, algunhas especies poden emitir un cheiro suave e agradable, especialmente cando hai moitas flores ao mesmo tempo.
No canto da polinización, as flores do rododendro son polinizadas principalmente por insectos como abellas ou outros, atraídos polas súas cores brillantes e o seu polen. As flores tamén teñen unha estrutura que facilita o acceso aos polinizadores, cun tubo floral no que os insectos poden entrar para obter o néctar.
Froito
O froito do rododendro é unha cápsula seca. Este froito non contén xarope ou líquido dentro, senón que teñe sementes no seu interior. Estas cápsulas abren cando maduran para liberar as sementes.
A cápsula do rododendro é pequena, de aproximadamente 1 a 3 cm de longo, e adoita ter unha forma ovalada ou alargada. Inicialmente, a cápsula é de cor verde, pero ao madurar volve a ser de cor marrón ou grisácea.
O froito do rododendro comenza a formarse despois da floración, que ocorre na primavera ou ao comezo do verán.
A maduración do froito normalmente ocorre durante o outono, cando as flores xa caeron e o froito desenvolve e madura nas ramas.
Á medida que as cápsulas secan, van abríndose durante o final do outono ou ao comezo do inverno, liberando as sementes, que permanecen activas ata a primavera seguinte.