Elemento da Idade Moderna
Conxunto parroquial de Santo Tomé de Ames
Estrutura
Xusto ao chegar, antes de entrar na igrexa, podemos observar como hai un cruceiro con mesa, no que nalgunhas ocasións o párroco imparte a misa, un gran cemiterio e unha escultura dos nosos caídos nas guerras, recibe este nome para referirse a todas as familias que perderon a familiares na guerra . Centrándonos no exterior da igrexa podemos observar o material do que está feita que é pedra. Logo contemplamos que xusto enriba da porta atópase a escultura do Santo Tomé de Ames e xusto nese marco hai unhas orelleiras decorativas. Deseguido temos un gran frontón sen partir, que dentro ten a imaxe dun ollo iluminado de Deus; enriba do frontón atopamos dous pináculos. Finalmente encontrámosnos cun gran campanario que se o segmentamos tería cinco partes. O campanario, situado no centro, ten unha campá e un pequeno balcón (balaustrada) e remata cun pináculo enriba da pequena cúpula.
Fixemos unha pequena investigación sobre a igrexa, na que se nos indica que ten formas neoclásicas, non se especifican cales pero, axudándonos de cales son os elementos neoclásicos na arquitectura, dise que algúns deles son os frontóns e as cúpulas.
Por outra parte, dentro da igrexa vemos que ten dúas plantas, éstas están unidas por unha escaleira con forma de caracol. Na parte baixa vemos moitos bancos, un gran altar cun retablo (moi recargado de dourado e figuras, podemos identificalo co horror vacui) que vai dende o chan ata o teito de largura . Hai dous púlpitos, que tamén podemos chamar ambones, dependendo de si se vai predicar (desta maneira coñécense como púlpitos) ou proclamar lecturas (desta forma identifícanse como ambones), un piano para tocar nas misas e por último vemos como todas as esculturas teñen moito dramatismo e expresividade.
Podemos asegurar que certos elementos da fachada son barrocos xa que hai elementos vistos nas clases que nos levan a esos criterios, como por exemplo as orelleiras, as balaustradas, o campanario segmentado en varias partes, os pináculos... Pero non podemos asegurar se o frontón é deste estilo ou do posterior. No interior mantemos as ideas de que é barroco xa que as figuras son moi expresivas e dramáticas, incluíndo ademais o retablo e a cor dourada predominante.